Երբեմն տարբեր ընկերություններում ստեղծվում են տհաճ իրավիճակներ, երբ ընկերության սեփականատերերը կամ ղեկավարները հասկանում են, որ իրենց կազմակերպությունում ի հայտ է եկել դրամական միջոցների պակասորդ: Փորձելով հասկանալ, թե ինչպես է դա տեղի ունեցել, մարդիկ շատ դեպքերում կանգնում են փակուղու առաջ:

Հարց է առաջանում՝ ինչպե՞ս վարվել նման դեպքում: Մի կողմից՝ անտեսել պակասորդի հանգամանքը չի կարելի, քանի որ դա կբերի նոր, էլ ավելի մեծ պակասորդների, իսկ մյուս կողմից՝ չի հաջողվում հստակ պարզել միջադեպի հետ կապված հանգամանքները և անմիջական առնչություն ունեցող անձանց: Միաժամանակ, շատ դեպքերում, տարբեր պատճառներից ելնելով, ընկերությունը չի ցանկանում անմիջապես դիմել ոստիկանություն: Այդպիսի դեպքերում առաջանում է ներքին ֆինանսական հետաքննության անհրաժեշություն:

«Փրայմ Սեքյուրիթի» ընկերությունը, իր գործընկերների հետ համատեղ, իրականցնում է պատվիրատուների համար անաչառ ներքին ֆինանսական հետաքննություն, որի արդյունքում կազմվում և ընկերության ղեկավարին է ներկայացվում մանրակրկիտ հաշվետվություն: Այդ հաշվետվությունն իր մեջ պարունակում է հետևյալը՝

1. Տեղեկություններ ֆինանսական պատասխանատուների կամ այլ աշխատակիցների կողմից դրամի յուրացումներին վերաբերվող փաստերի և այդ չարաշահումների համար ստեղծված սխեմաների և դրանց անմիջական մասնակիցների վերաբերյալ,

2. Տեղեկություններ ընկերության հաշվապահությունում հնարավոր բացերի, սխալների, անճշտությունները մասին և խորհրդատվություն՝ դրանք ուղղելու վերաբերյալ,

3. Ֆինանսական փաստաթղթերի շրջանառության վերահսկման արդյունավետության բարձրացմանը ուղղված խորհրդատվություն,

4. Ֆինանսական չարաշահումների բացառմանն ուղղված որոշ աշխատանքային գործառույթների իրականացման կարգ: